خايفٍ لــ أفتح دمــوع ما تـصك أبوابها

يا تناغيم المشاعر أعزفي لحنٍ حزين
ما على الدمعه ملامه إن بكت لأحبابها
هذي الدنيا تفرق بعد ما تجمع سنين
هذي الدنيا عروسٍ ( خاينة خطابها )
هذي الدنيا قساوة ما تعاطف أو تلين
هذي الدنيا عقيمٍ ما تعرف أسبابها
يا وفا شمع النوادر يا كحل عين الزرين
لو تباعدنا المسافه القلوب اهوى بها
ما تعلمت السكوت و كل ما يخفى يبين
خايفٍ لــ أفتح دمــوع ما تـصك أبوابها
لا غلا قبلك عرفت و لا غلا بعدك ثمين
يا أغلى من ساكن عيونٍ ما تعيش إلا بها
تمشي الدنيا قوافل و الأوادم سايرين
و الزمن قـاطع طريقٍ كاسـبٍ ركابها
و الله يا عمر السعاده بفقدك فقدة جنين
ما لــقـى أمُّ تضـمَّــه يهـتـنـي بترابها
يا عسى روحي تصبر يا عسى ربي يعين
كيف بأتحمل دموعـك و النفوس تهابها ؟!!!
قلبي اللي في جنونه ينقسم فيني اثنين
واحدٍ يشهق و ينشق عطرها و ثيابها
و نصفه الثاني تفدى بالغرام و بالحنين
من طلب روحي فديته لكن أنتِ أولى بها
أول أنفاسي محبة و آخر أنفاسي أنين
و الغلا زهرة خفوقٍ ما تناسى أصحابها

[/size][/center]