طلبتك قول تم

طلبتك قول تم ارجع ورى للماضي اللـي فـات=تعال ولاتناسـا الماضـي اللـي بـه حكاوينـا
تعال اجلس معي لحظه وشاركني عنـا الونـات=تعبت ارثي عنا حالـي علـى ماضـي ليالينـا
تعبت من ارتحالي في متاهـة سكتـي بالـذات=على جال الرصيـف اللـي شهـد اول تلاقينـا
على جال الرصيف اللي شهد اول ليالي جـات=بها الصدفه بوقتٍ بـه بـدت خطـوة محبينـا
به الصدفه بدت واسترسلت ضحكة خفا البسمات=على صمت السكوت اللي كسى فينـا تحاكينـا
على صمت السكوت اللي يعبر بـاول ابدايـات=على نقطـة بدايـه فـي مسيرتنـا بماضينـا
على نقطة بداية سطرّت شمس اللقا الضحكـات=تعبـر عـن براءتنـا الياصبحنـا و امسينـا
تعبر عـن براءتنـا بـاول سكـة الخطـوات=الى آخـر محطـه مـن محطـاتٍ بهـا جينـا
ومن آخر محطه بعدها غابـت عـن النظـرات=بعدها غابـت ولاجـت ولادري وينهـا الحينـا
بعدها غابت ولادري متى تاتي عـن الروحـات=وانا اللـي كـل ليلـه انتظرهـا عـل تلفينـا
وانا اللي وين ماكانت بقت في خافـي بسكـات=يناجيها الخفـوق اللـي قعـد يرثـي مآسينـا
يناجيها الخفوق اللي يسامر غيبـت النجمـات=يطـل الصبـح ويغيـب نبنّـي فـي أمانيـنـا
ويطل الصبح ماجتنا علوم ولاحصـل شوفـات=على آلام الفراق اللـي بقـى سنيـن وسنينـا
على آلام الفراق اللي مـازال مبيـت النيـات=على تحطيـم ربـان الامـل مابيـن الاثنينـا
على تحطيم امانينا بقينـا نصـارع الرغبـات=وانا واللي على بالي ضحايـا عصـر ماضينـا
وانا واللي على بالي بقايا شـي كـان وفـات=على آمال ان ماض الوقت يرجع لـي يصحينـا
على آمال الزمن يرجع ولكن الزمـن بسبـات=ولادري وش يصحي وقتنا مـن قبـل ينعينـا
ولادري وان نعانا الوقت كيف نصارع الآهـات=شموسٍ غيبـت باكـر لكـم تسـرد شكاوينـا
شموسٍ غيبت باكر لكم تروي خفـا العبـرات=ضحايا عصر متبلد ماهو (عدنـان مـع لينـا)[/poem]